قهوة منتدى شقاوة

بسم الله الرحمن الرحيم
بالصلاة على النبى كدة ،، وانا علي منتدي تاني ،،، شفت فكره كده ، قلت اغير فيها حبه واجيبها لمنتدى شقاوة،،،، وانا بقي المعلمة / سيمبا نويت اني اعمل برضه قهوه عالمنتدي...
هوا مش المنتدي منتدانا ولا ايه ؟؟؟!
افتتاح القهوة الخاصة بنا كشباب شقيين ...
والقهوة تتيح لكم جميع المشروبات والماكولات بالصلاة على النبى
وديه هتكون زى قعدة لينا يعنى اللى عايز يسألنا سؤال يسأل
اللى عايز يكلم واحد صاحبه ويتحاور معاه ومش عارف يقعد معاه فى بيتهم يجى يقعد هنا
زورونا تجدوا مايسركم
ان شاء الله باب الاستفسارات والحوارات الخاصة بينا وبين بعض مفتوح هنا
يعنى بالعربى كدة قعدة عرب لينا مع بعض

وان شاء الله احنا بنوفر كراسى ومكن لكل الناس عشان منكم نستفيد بالصلاة على النبى
انا عايزة زباين كتيييييير
وعلي فكره الشغل هنقسمه
مالك القهوه /......
كبير القهوه / ........
زباين مستديمين في القهوه/ ..........
معلم القهوه /..................
وكمان عايزين اللى يتنازل عن مكانته ويوافق انه ينزل المشاريب بنفسه
وعلي فكره انا الحمد لله وفرت كراسي كتييييير
او بصراحه عشان ماكدبش ..انا وفرت حصاير بالهبل ، لكل واحد حصيره
يلا اختاروا مين اللى هيمسك القهوة مالك القهوة وكبيرها وكل اللى عليه نقط فوق
وعندك واحد سحلب يااااااااااااااااا

له

عليه الصلاة والسلام

طبعا المنتدى منتداك هى دى عايزة كلام
وبصراحة فكرة رائعة

وانا لو مفيش حد عنده مانع عايز اكون زبون مستديم فى القهوة

طبعا يا فان انت تشرف
ويلا بقى نبتدى بس مين اللى هينزل المشاريب؟؟؟؟؟؟
يلا هنزل انا المشاريب عما حد ييجى يشتغل
ويلا نبتدى بمناقشى اى موضوع او اى حاجة نتكلم فيها
وعندك هنا واحد كابتشينوووووووووو

لو القهوه بتاعتنا كأشقيه في بعض يبأ كلنا اصحاب القهوه
وكلنا هنساعد بعض في المشاريب
وفي كل حاجه
ودا احلى الكابتشينو لاحلى سيمبا
[ندعوك للتسجيل في المنتدى أو التعريف بنفسك لمعاينة هذه الصورة]
ودلوقتي ناويين تتناقشو في ايه
بس اهم حاجه قبول الرأى الاخر ومن غير تكسير الكراسي
المعلمه سيمبا لسه مدفعتش اقساطهم
.
.
.
.
.
عندي موضوع حلو ممكن كل واحد مننا يقول نفسو في ايه من المستحيل انها تحصل ونتنقاش معا فيها
عن نفسي انا نفسي اغمض عيني وافتحها ملئيش التكنولوجيا الي احنا فيها دي
لا تلفزيون ولاكومبيوتر والا موبايلات
نعيش حيا بسيطه وسهله
مش حط الموبايل على الشاحن ..........شيله من الشاحن
هات الفلاشه...........خد الفلاشه
والحياه دي
هتقولولي هتزهئي بس انا نفسي اجرب الحياه دي ولو لفتره صغيره

عايز واحد كابتشينو والحساب عند الامن بصراحة انا كمان عايز اجرب الحكاية دة بس صعب اوى علشان كل الناس بتستعملهم فصعب نعمل كدة بس نحاول

صراحة يا ادمن انا متخيلش حياتى من غير التكنولوجيا
ومش هعرف ادخل المنتدى Sad

انا نفسي اطير بس من غير طيارة ابقى صاير لوحدى كده
واروح المدرسة طيران ياه هيبقى احساس جميل بدل الزحمة والمواصلات والسواقين يتأمروا علينا

حلوه حكايه الطيران دي اوي الواحد عايز يجرب بس بردو نفسي اجرب حياتي من غير تكنولوجيا
بس عشان الواحد يطييير عايز تكنولوجيا اكتر والتنين مش مشيين مع بعض

انا بئا نفسي اعيش في غابه واجرب حياه الادغال زي طرزان وشيتا والعيش فوق الشجر
حياه جميله اوي كلها مغامره واثاره

ادغال وغابة وطرازان ده انت بتحبى المغامرة جدا

بس المشكلة هنجيب طرزان منين دلوقتى اكيد هوه نايم اصبروا شوية عما يصحى

خدينى معاكى باه يا soka عشان انا زهقت

ومالو ونعمل عمرو طرزان ونجبلو شيتاااااااااااا
او ممكن انا اعمل شيتااااااا
هههههههههههههههههههههههههههههههه
شكلكو فاضيين انتو قاعدين على القهوه ليل ونهار كدا موركوش حاجه

يعنى هيباه ورانا ايه ادينا قعدين

بس الخدمة هنا مش حلوه اوى

معلش ان شاء الله تتحسن

انا حبيت اتكلم معاكم فى عبارة محيره الناس كلها

كل ممنوع مرغوب ومطلوب!!!!

عبارة تُرَدد كثيرا و منتشرة في مجتمعاتنا العربية بصورة خاصة لكن لماذا لا نسأل انفسنا عن سبب

تداول هذه المقولة في حياتنا لماذا نرى الجميع يخالف القوانين والعادات ؟

لماذا يتهافت الناس الى المخالفة أهي اثبات للشخصية ؟

ام كما يقال"خالف تعرف" هل السبب حقا هو ابراز الذات على حساب التقاليد والعادات

ام هي شيء نفسي يكمن داخل النفس البشرية؟

تساءل الناس كثيرا فيما بينهم ولكن لا احد يجد سبب مقنع لهذه التصرفات

وانا الان افتح لكم المجال للحوار والمناقشة في هذا الموضوع

لعلنا نجد السبب التائه لحل لغز هذه المقولة

بانتظار ارائكم بفارغ الصبر

فعلا الكلام دة بيتقال كتير اوى الايام دى

وطبعا لازم نشوف حل للموضوع دة

وعندك واحد كبيتشينووووووووووو

واحد شيشه تفاااح ... احم احم اقصدى واحد شاى

ماشى يا عم

والشيشا بتاعت كريستيانو على حسابى

يووووووووه لخبط الواحد قصى الشاى بتاع كريستيانو على حسابى

هههههههههههههههه.. ايوه كده